پىل رىقابەتلىشىش ئارقىلىق ھايۋاناتلار دۇنياسىنىڭ باش ۋەزىرلىكىگە ئىرىشىپتۇ .پىل تىرشىپ ،جاپالىق ئىشلەپ ،مەسئۇليىتىنى تولۇق ئادا قىلىپ ئاز بولمىغان نەتىجىلەرنى قولغا كەلتۇرۇپتۇ .بىراق نۇرغۇن ھايۋانلار پىلنىڭ كەينىدىن ئۇنى - بۇنى دىيىشىپ ، ئۇنىڭدىن ھەر خىل قوسۇر تىپىشقا باشلاپتۇ .بەزىسى پىل بەك سەت دىسە ، بەزىسىپىل تاماقنى بەك كۆپ يەيدىكەن دەپتۇ ، بەزىسى پىل بەك جىمغۇر دىسە ، بەزىسى پىل بەك پالاكەت دىيىشىپتۇ .
تاغ مۇھەككىلى ئۇلارغا « ئەگەر قايسى بىرىڭلار بىر پارچە مۇكەممەل تاش تاپالىساڭلار ، مەن شۇنى پىلنىڭ ئورنىغا قويىمەن » دەپتۇ .
كۆپچىلىك بۇ قانچىلىك ئىشتى دىيىشىپتۇ . تاش دىگەن تولا نەرسە تۇرسا ، مۇكەممەل بىرەرىنى تاپقىلى بولماي قالامتى .شۇنىڭ بىلەن كۆپچىلك تۇشمۇ - تۇشتىن دۇنيادىكى ئەڭ مۇكەممەل تاشنى ئىزدەشكە باشلاپتۇ .
چاشقان مىلىيۇنلىغان تاشلار ئارىسىدىن بىر تال ئىسىل قاشتىشىنى تىپىپ چىقىپتۇ . ئۇ تاش ئاپپاق ، ئاجايىپ جۇلالىق بولۇپ ،چاشقان بۇنداق چىرايلىق تاشنى ئۇچۇرتىپ باقمىغان ئىكەن . بۇ تاشتىن ئىۋەن تىپىشمۇ ناھيتى تەسكەن . چاشقان كوڭلىدە ، مانا بۇ جاھاندىكى ئەڭ مۇكەممەل تاش ئىكەن دەپ ئويلغىنىچە ، تاغ مۇھەككىلىنى ئىزلەپ بىرىپتۇ . تاغ مۇھەككىلى تاشنى قولىغا ئىلىپ تەپسىلى كۇرۇپ چىققاندىن كىيىن چاشقانغا " بۇ ھەقىقەتەن كەم تىپىلىدىغان تاش ئىكەن ، بىراق ئۇ مۇكەممەل ئەمەس ئىكەن " دەپتۇ ،ھەم تاشنىڭ ئوتتۇرىسىنى چاشقانغا كۆرسىتىپتۇ ، چاشقان سىنچىلاپ قاراپ ،چۇچۇپ كىتىپتۇ ، چۇنكى تاشنىڭ ئوتتۇرىسىدا بىر تال قارا چىكىت بار بولۇپ ، بۇ تاشنىڭ گۇزەللىكىگە نۇقسان يەتكۇزىدىكەن .چاشقان بىراقلا مەيۇسلىنىپ كىتىپتۇ ، بۇ تاشنى ئۇ مىڭ بىر جاپادا تاپقان تۇرسا .
تاغ تىشەر مىڭ بالالىقتا بىر يىشىل تاشنى تىپىپتۇ .بۇ بىر يىشىل مەرۋايىت بولۇپ ،سۇس يىشىل نۇر چىقىرىپ ، قاراشقا ناھايتى جەلىپ قىلارلىق ئىكەن .بۇ تاش خۇددى ئايغا ئوخشاش يۇپيۇمۇلاق بولۇق ، گۇزەللىكتە تەڭداشسىز ئىكەن .تاغ تىشەر خۇشال ھالدا تاغ مۇھەكىلىنى ئىزلەپ بىرىپتۇ ، تاغ مۇھەكىلى تاشنى بىر ھازا ماختاپ ، ئاخىردا يەنە كەچىلىكىنى كۆرسۇتۇپ بىرىپتۇ - تاشنىڭ قىرى ئاززىرق كەمتۇك بۇلۇپ ، ئايدەك يۇمىلاقلىقىغا نۇقسان يەتكەن ئىدى .لىكىن بۇ دىگەن تاغ تىشەر بىر يىل ئىزلەپ ئاران دىگەندە تاپقان تاش ئىدى ئەمەسمۇ !
تاشپاقا ئۆزىنىڭ قەتئى ئىرادىسىگە تايىنىپ بىر گكھەرنى تىپىپ كەپتۇ . گۆھەرنىڭ ئۇستىدە كۆك ئاسمانغا ئوخشاش بىر سۆرەت بولۇپ ، تولىمۇ نەپىس ئىكەن . تاغ مۇھەككىلى بۇتاشنى كۆرۇپ " بۇ ھەقىقەتەن ئىسىل تاش ئىكەن ، بىراق بۇنڭدىمۇ نۇقسان بار ، قارا شۇنچە چىرايلىق ئاسماندا يا بىر پارچە بۇلۇت ، يا بىر قۇش يوق ، سىنىڭچە بۇلۇت ياكى ئۇچار قۇشلار بولمىغان ئاسمان مۇكەممەل ھىساپلىنامدۇ ، ئەگەر ئۇنداق بولمىسا بۇ تاشمۇ مۇكەممەل ئەمەس دىگەن گەپ " دەپتۇ . تاشپاقا بىر ھازا ئويلىنىپ كىتىپ ، تاغ مۇھەككىلىنىڭ سۆزىنى ئۆرۇنلۇق دەپ ھىس قىپتۇ ،بۇ گۆھەرنى تاشپاقا يۇز نەچچە دەريانى ئاختۇرۇپ تاپقان ئىدى .
باشقا نۇرغۇن ھايۋانلارمۇ كىيىن ئۆزلىرى تاپقان تاشنى ئىلىپ كەپتۇ ، بىراق تاغ مۇھەككىلى ئۇلارنىڭ نۇقسانلىرىنى بىر - بىرلەپ كۆرسىتىپ بىرىپتۇ .ئەڭ ئاخىردا كۆپچىلىك بۇنداق بىر ھەقىقەتنى چۇشىنىشىپتۇ: دۇنيادا مۇكەممەل تاش يوق ئىكەن .
شۇنىڭدىن ئىتىۋارەن ئۇلار پىلنى قايتىدىن چۇشۇنىشكە باشلاپتۇ .

مەنبە : قورغان تورى      ئاپتۇرى : موۋ پىجى